Avannaata kommunia nammineq ingerlatsiniarpoq

Oprettet d.

 

 

 

 

 

 

 

 

 

Avannaata kommuniata ajoraluartumik kommunit ataatsimoorlutik Eqqagassaleriffiannit ESANI A/S-imit tunuarniarnini toqqarpaa. Imaappoq ingerlatseqatigiiffimmi siunissami piginnittut tassaalissapput Qeqqata, Kujalleq, Qeqertalik aammalu Sermersooq, taakkuullutillu eqqagassanik angallassinermi igitsinermilu akaareqatigiissumik aningaasartuutinik avitseqatigiittussaallutik. ”Avannaata Kommuniata suliamit tunuarnissani toqqarmagu ajuusaarpugut” Frank Rasmussen ESANI A/S-imi pisortaq oqarpoq nangillunilu ”Kommunini ataatsimoortumik eqqagassaleriffeqalernissaanut pingaarnertut siunertaavoq, assigiissakkamik eqqakkanik nungusaasoqarnissaa. Eqqakkanik nungusaaneq ukiorpassuarni Nunatsinni kommunini ajornartorsiutaanikuuvoq, ajornartorsiullu maannakkut ataatsimoorullugu aaqqiissuteqarfiginiarparput. Suliassarput arlaliukkiartortillugu, sulinerup ingerlanera suliariuminarnerulerluni pitsaanerulersinneqassaaq, naggataatigullu illoqarfiit nunaqarfiillu minguinnerulerlutillu qorsorpalunnerulissapput, innuttaasunut takornarianullu nuannaarutaasumik." Avannaata siunissami eqqakkanik passussineq qanoq ililluni pilersaarusiorniarneraa suli ilisimaneqanngilaq, Frank Rasmussenilli erseqqissaatigaa, Avannaata Kommunia sukkulluunniit ESANI-mut ilannguteqqinnissaminut tikilluaqqusaasoq.